23A: que libro salvarías?

 Para o 23 de Abril, Día Internacional do Libro, propuxemos ao noso alumnado unha actividade que pon en valor unha das grandes artes: a LITERATURA. 

Lembrando aquel Fahrenheit 451 de Ray Bradbury, e recuperando unha vella proposta das Bibliotecas Escolares, pedimos a nenos e nenas que escollesen un libro que salvar dunha queima. Un único libro. 

Despois das primeiras brincadeiras (hihi, haha, eu queimaría todos!), a sorpresa foi para moitas ser iso dificilísimo e tivemos que ampliar a proposta: podes salvar un libro por cada lingua. 

Mostramos as nosas escollas no corredor principal do centro, que virou enorme panel de recomendacións lectoras: 

Moito lemos!

8M: artista convidada

 No 8M, Día Internacional da Muller Traballadora decidimos dedicarllo ás mulleres artistas. 

E pensamos que ben podiamos traer unha artistA á escola. Decidimos convidar a Rosa Herraiz Cabanas,  Rosa de Cabanas: adica o seu tempo a unha arte menos visíbel que as grandes, a ARQUITECTURA, un campo, ademias, onde a presenza das mulleres non é maioritario. 

Ademais, Rosa de Cabanas é tamén ilustradora e deseñadora gráfica e mesmo contamos nos fondos da Biblio con obras traballadas por ela. 

Así que aproveitámonos do seu carácter polifacético para organizar un encontro co alumnado de 4ºESO, onde lles falase da súa traxectoria profesional e artística e animase ás mozas a formarse en áreas tradicionalmente masculinizadas. 

Rosa no seu recanto na expo do 8M

8M: Dereitas e Humanas

Como todos os anos, desde a Biblioteca preparamos unha proposta de actividades para traballar no 8 de Marzo, Día Internacional da Muller Traballadora. 

Como este ano o tema de centro son os Dereitos Humanos non podíamos dedicar o día a outras mulleres que non foran as activistas en loita polos dereitos de todxs. 

Para ambientar a entrada do centro non esquecemos os paraugas. E pedimos ao noso grupo de activistas da Biblio, ademais das titorías, que deseñasen o símbolo do feminismo loitador para pendurar das varas: 

Feminismo ilustrado

A verdade é que nunca tanto xogo deron uns paraugas

Preparamos dous xogos, que obrigaban a revisar os fondos da exposición que preparamos para o caso: 

Un de nome Mulleres en Loita enorme, cunha chea de activistas que había que asociar co Dereito Humano polo que pelexaron: 

Non están todas as que son, mais si son todas as que están.

Procuramos visibilizar mulleres de todos os continentes

E de épocas variadas

A cousa non era fácil...

Non tiñan máis remedio que consultar nos libros. 

O outro xogo, o Aí falaches!: relacionar frases coa activista que as pronunciou. 

Faltan as mulleres...

Ui, aí non!!

Colocamos tamén un 8M feito de post-its para cadaquén escribir libremente as reflexións que quisera: 

Quedou un corredor cheo!

E cremos que os grupos gostaron...

Sempre gostan...

Ciclo de Cine e Dereitos Humanos

Outra data que non podíamos deixar pasar o Día Internacional da Paz e a Non Violencia. 

Desde a biblioteca quixemos colaborar organizando un Ciclo de Cine e Dereitos Humanos. 

Fixemos todo: a proposta didáctica para o profesorado, a exposición de fondos, a selección da carteleira e mesmo a publicidade!

Libros de película e películas de libro

Cada dereito, asociado a un filme.

As guerras, grandes protagonistas

Como indicamos antes, até publicitamos o ciclo: 

E reciclamos os paraugas!

E tocou motar a sala de cine. A biblioteca dá para todo!

Voluntariado axudando ao Booking a colocar as butacas...

E comezaron as proxeccións: 

Non o notades, mais ven un cheiriño....

Porque non hai peli sen flocos de millo...

Por unha semana, incumprimos a norma de non comer na Biblio. 

Outono con Dereitos

O noso tema para o Proxecto de Centro deste ano é o dos Dereitos Humanos.

Para nos ir metendo en materia, e xa que o Outono está aquí e o Magosto e o Samaín, propuxemos ás titorías uma actividade de ambientación da entrada do centro.

Cada grupo decorou un paraugas para pendurar no teito. Pedímoslle que aproveitase para representar ou reflexionar sobra algún dos Dereitos Humanos.

Marabillas saíron!

As nenas e nenos de Infantil encargáronse de preparar a nosa árbore do outono 

Si, claro, tamén houbo exposición de cabazas...

En cada folla, o seu dereito preferido...

Así se vía o corredor principal:

Contámoslle todo ás familias

Non só expuxemos na biblio e nos corredores do centro os nosos traballos. 

Tamén nos organizamos para contar polo miúdo todo o que aprendemos ás familias. 

Fixemos da Biblio un auditorio onde cada grupo explicou as súas investigacións. 

6º Infantil contando dos fíos de liño e lá

Mesmo teceron en directo!!

A rapazada de 1º EP contando do ferro de pasar.

4º EP contando da comunicación

Eran tantas que non lles chegou a tarima!!

6º EP preparado...

Contándonos da emigración...

Moito traballamos!! Parte 3.

As máis grandes do centro non quedaron atrás e aceptaron o repto de Booking e a adopción da peza. 

Educación Secundaria

En 1º ESO A adoptaron o Globo Terráqueo Negro. E, a falta de información entre as familias, inventaron os seus planetas imposibles...

O planeta que temos e o que quereríamos...

En 1º ESO B adoptaron de todo, así que usamos un formato común: o lap book.

En 2º ESO A adoptaron varias pezas, unha por equipo, para traballar con elas desde a lingua inglesa. 

O pupitre, o pizarrillo, o ferro de pasar e o tocadiscos.

The english desk

En 3º ESO adoptaron, en Lingua Castelá, o Tocadiscos. 

A mellor maqueta: a que funcionaba!

Moito traballamos!! Parte 2.

No resto das etapas non quedamos atrás. Retadas polas máis pequenas, demos forma aos nosos stands: 

Educación Primaria

En 1º EP adoptaron o ferro de pasar e, como viña ben a conto, construíron unha casiña, con tendedeira e todo!

Parece a casiña dos contos!

Os ferros de toda a clase...

O traballo de pesquisa.

A tendedeira de versos

En 2º EP adoptaron a máquina de escribir e o pizarrillo. 

Practicaron todas as maneiras de escribir!

E cada crianza deu feito o seu proprio libro de alfabetos do mundo.

En 3ºEP adoptaron o Telurio e a Esfera Armilar. Aproveitaron para investigar sobre o universo e tiveron a grande idea de montar... até un planetario!!

Ao planetario chegamos en foguetes e naves espaciais.

E dentro... planetas fluorescentes!

En 4º EP adoptaron o teléfono e o telégrafo, para investigar os sistemas de comunicación a distancia. 

Sempre estarán con nós os vasos de iogur!

Murais e esquemas

E como non, o señor Morse!

En 5º EP adoptaron o proxector de cine e prepararon para nós unha chea de artiluxios de nomes estraños. 

A organizar o stand

Parte dos traballos realizados

En 6ºA EP adoptaron a maleta e decidiron investigar sobre a emigración en Cuntis durante a dictadura.

Preguntaron a todas as familias do cole!!

Grande traballo estatísitco

Continúa...