Dragal na Biblioteca

O noso centro foi seleccionado para participar no Proxecto Dragal 2016-2017. Por esta razón, toda a ESO tivo como lectura obrigatoria o libro Dragal I, de Elena Gallego. Participar no proxecto implica facer actividades complementarias à lectura, que nos van indicando desde a coordinadora. 

Ao final, isto non deixa de ser unha grande escusa para colaborar entre os diferentes grupos que están traballando no centro: 

O Equipo de Dinamización Lingüística deu co proxeto e coordena o asunto, o departamento de Lingua Galega leva as lecturas de aula e a preparación de actividades co alumnado, no Club de lectura completan coas sesións dedicadas a Dragal II, na Biblioteca Escolar colaboramos ofrecendo tempos e espazos, que boa falta fan. 

Así dá gusto!!

Entre todas decidimos recrear, nun recanto da entrada, aproveitando o oco das escadas, a Cova da Moura onde descansa o Dragón... 

Comezou o Club de Lectura a traballar e continuamos na Biblio, durante os recreos desta última semana...

Ohhhhh, iso son uns ollos??

En 4ºESO non se mollan, pero opinan :D

A culpábel de todo este barullo: Nati.

E xa que o alumnado de 4ºESO non tiña vontade de enzoufar as mans en cola ou témpera, reservámoslle outra tarefa: o duro traballo da cantaría!

De aquí pretendemos sacar unha cova, seique.

Si, alguén ten que termar do papel con dous dediños de nada.

Aquí estará a Cova do Dragón (non, ese non é)

E as primeiras pedras xa foron colocadas...

TRANQUILIDADE!!! Aínda estamos a comezar... Como dicía Castelao, non lle poñades chatas á obra namentras non se remata...