Decembro en Xaneiro 1: as Páxinas Amarelas.

E en decembro tamén aconteceron cousas. 

Por exemplo, o alumnado de 5º de Primaria tomou os recreos da nosa Biblio, porque a súa aula se lle facía pequena... 

A cousa naceu pequena e foise facendo grande, como sempre pasa coas cousas interesantes... Coa profe Sandra elaboraron unhas Páxinas Amarelas da clase. Xa sabedes: un directorio onde se ofrecen servizos de calidade. 

Sabes arranxar billas que pingan? 

Anúnciate aquí para que te encontren!

A portada do traballo

E así, todas as rapazas e rapaces da clase elaboraron, cada unha, os seus anuncios ofrecendo as súas habilidades, coñecementos e capacidades máis mellores ao resto de compañeiras... E así coma quen, acabou por montarse un servizo de intercambio de saberes que funcionou durante os recreos. 
que se eu axudo a mellorar en mates, que se eu sei bailar, que se eu son boa coas normas do fútbol...

Ai, pero cada vez tiña máis éxito a cousa, até que acabaron por vir para a Biblio... 

Queres aprender árabe?

Ofrécense clases de debuxo por deseñadora experta.

Saiba todo do xadrez en dez leccións...

Tanto ambiente e tanto público había na Biblio que até as fieis papirofléxicas tiveron que fuxir....

Aida dando aulas no corredor por falta de espazo!

Nada hai mellor que aprendermos que todas temos algo para ensinar...