Booking e os Dereitos Humanos

O tema deste ano, para traballarmos a través do Proxecto de Centro, é o dos Dereitos Humanos.

Desde a Biblioteca encargámonos de sacar adiante a actividade de motivación para o alumnado. Até agora lamentamos ter un tigre por mascota. Que terá que ver un tigre de Bengala coa comarca? que pinta na Vila do Baño? Mais a democracia é a democracia, e Booking foi escollido unanimemente...

E nunca tan ben nos veu que Booking fose estranxeiro e exótico.

Porque decidimos expulsalo.

Antes avisamos ao profesorado:

Na sala de profesorado o aviso de carta e proposta de actividade....

Imos traballar a INSTANCIA

E, de sorpresa, nun dos recreos, apareceu o pobre do animal detido nun CIE:

A sorpresa foi grande...

E a expectación tamén...

Booking, como tantas veces, escribiu ás aulas. Pero esta vez o seu pedido era ben urxente.

Agora si precisa axuda de verdade!

Non tiveron tempo as profas para traballar as instancias nas aulas....

Comezaron a chegar cartas sen censura e con propostas protestonas....

E foi estendéndose pola escola a necesidade de manifestar a indignación popular, como demostra este vídeo clandestino gravado ao grupo de 2ºEP.

Ui ui ui, que imos ter lío...